عزمت حماتى واهل زوجى عندى اليوم
حكايات كوكى سامح
يا بنات لو انا غلطانه قولولى انا عروسه وده اول رمضان ليه فى بيتى وانا ساكنه فى محافظه تانيه
عن المحافظه اللى فيها بيت اهل زوجى
زوجى كان عازم حماتى وحمايا وسلايفى على الفطار اليوم فأنا عملت سمك بلطى وجمبه كذا نوع سمك وغير جمبرى ورز وسلطه وبطاطس محمره المهم يا بنات حماتى اول لما دخلت قعدت تقول امام سلايفى ان ريحه الشقه زفاره
ده انا لسه عروسه مكملتش كام شهر وطبعا انتم عارفين ريحه شقه العرايس
المهم قبل ما المغرب يأذن بعشر دقايق انا حضرت الاكل وكان لسه الرز عالنار
لقيت حماتى بتطلب من سلايفى يقومو يجهزوا معايا الاكل
وزعقت فى زوجى وزعيق جامد وتقولو انت عارف انى مبحبش السمك والقرف ده وبقت تكرر الكلمه وانا كنت واقفه واللهى فى نص هدومى
وتقول انا جاية من آخر الدنيا عشان تطردونى انت والمحروسه مراتك
وسلايفى كانوا بيضحكو عليه لأنها كسفتنى ومفطرتش وانا قعدت اتحايل عليها تفطر مرضتش ابدا وحلفت وزوجى قال لسلايفى واخوته يقعدو ياكلو وهو هيتصرف مع حماتى
واتريقو اننا قاصدين مياكلوش مع ان عرفت ان حماتى بس اللى مش بتحبه وحمايا وسلايفى عادى بس مأكلوش ومشيو زعلانين وبعد ما مشيو بتكلم مع زوجى وبقولو عيب اللى حصل
بقولو وانا هعرف منين وخصوصا ان بالليل قولتلك هعمل سمك وانت معلقتش عليه انا اول مره اتهان واضرب
ده ابويا الله يرحمه عمره ما ضربنى و لا حتى امى مدت ايدها عليه ليه هو يعمل فيه كده مع انى مغلطتش ودلوقتى انا تعبانه ومتضايقه
مش عارفه اقول لماما ولا اعمل ايه
ولو قولت لماما الموضوع هيكبر واعمامى هيدخلو
