ام احمد

ازيكم يا حبايب قلبي عاملين اي طبعا كلكم عارفيني انا ام احمد مغسله وفي يوم
كنت قاعده اكل لقيت الباب بيخبط فتحت 
لقيت الواد سعيد اللي بيشتغل صبي في القهوة اللي على ناصية الشارع بيخبط عليا وبيقولي
ياخالتي ام أحمد تعالي بسرعة عايزينك
المغسلة
في ايه ياواد يا سعيد ومين دول اللي عايزني ياولا
سعيد
عم حسنين شيخ الحارة عايزة تغسلي الولية اللي اسمها شيخة بديعة مش دخلو عليها لاقوها راحت في بيتها

المغسلة
انت بتقول مين ياولا اللي راحت الشيخة بديعة ودي راحت ازاى ياواد دي
سعيد
الله اعلم ياخالتي هما دخلو عليها لاقوها راحت والسر الالهي طالع الناس بتقول انها راحت طبيعي من عند ربنا وناس تانية بتقول 
راح سعيد بص يمين وشمال ووطي صوتة وقالي
بيقولو اللهم احفظنا الجن هو اللي عمل فيها كده 
المغسلة
ياساتر يارب انت بتقول ايه ياولا ايه الكلام الغريب ده يامنيل على عينك انت جن ايه وعفاريت ايه ياواد
سعيد
ايوه ياخالتي صدقيني هو الجن اللي قټلها أصلها كانت مخاوية ياخالتي مانتي عارفة انها كانت بتعمل حاجات سوده واعمال منيلة بنيله هو انتي غريبة يعني عنها ياخالتي
المغسلة
طب أخرس يامنيل على عينك انت ومتقولش كلام زي ده ويلا غور اسبقني وانا جايه وراك اشوف ايه الحكاية دي
ولبست هدومي ونزلت روحت على بيت الشيخة لقيت حكومة ودكتور الصحة وكلهم معرفوش سبب مۏت الوليه دي بيني وبينكم انا جسمي اتاخد وحسيت برعشة كده اول ماوصلت عند بيتها أصلها طول عمرها شغلتها الأعمال السفلية وفعلا زي ما الواد سعيد قال معروف عنها أنها مخاوية والعياذ بالله دخلت وقولت سلام عليكم ورحمة الله وبركاته
حسنين
وعليكم السلام ورحمة الله وبركاته تعالي يا ام احمد ادخلي
المغسلة بصوت واطي 
خير ياحاج حسنين هي الست دي ماټت ازاى الحكومة عرفت سبب ۏفاتها ولا معرفتش
حسنين
لا يا ام أحمد محدش عارف سبب الوفاه دكتور الصحة كتب انها سكتة قلبيه لان لا الحكومة ولا حد عرف يوصل لسبب مۏتها
المغسلة
طيب ياخويا هي ملهاش اهل مش كده برضو غير البت بنتها الشابة اللي قاعدة دي
حسنين
لا ملهاش اهل مانتي عارفة انها جات من زمان الحارة ومعاها الشابة اللي كانت بتقول عليها بنتها دي والله اعلم بقا هي فعلا بنتها ولا لا وجات اشتغلت في الأعمال والبلاوي اللي كانت بتعملها دي ولا حد عرف هي منين ولا أصلها ايه وفصلها ايه
المغسلة
يلا الله يسامحها بقا وبصراحة اهي ارتاحت وريحت الناس من شرها
حسنين
بقولك ايه يا ام احمد ادخلي خلصي شغلك عشان نسلم الأمانة للي خالقها قبل الليل ما يليل
المغسلة
حاضر ياخويا حاضر
ودخلت على مبروكة حسيت بړعب غريب اوي قولت ياساتر يارب ايه ده اعوزو بالله
المساعدة اللي معايا قالت لي
هو في ايه ياخالتي ام احمد مالك اتاخدتي ليه كده ده انتي حتى لسه مكشفتيش وشها
المغسلة
ها اه يابت يا سعدية انا
لسه م م مكشفتيش وشها طيب شيلي الملايه كده يابت
سعدية
بقولك ايه يا خالتي انا مش مرتاحة للغسل ده انا همشي وجات تمشي قولت لها
المغسلة
استني عندك يامخفية والنبي ما انتي ماشية بقولك ايه خلينا نخلص ونمشي ياحبيبتي يلا قبل ماالناس اللي برة يستعجلونا
سعدية
طيب يلا بسرعه ياخالتي
ورحت على على بديعة وكشفت وشها وشوفتها كان وشها بشع وزي مايكون على وشها ڠضب ربنا قولت اعوزو بالله من ڠضب الله
سعدية
اعوزو بالله من الشيطان الرجيم هي عاملة كده ليه ياخالتي
المغسلة
بقولك ايه يابت يلا بينا نبدأ هاتي المية وصبيلي يلا
وبدات انا وسعدية نحركها عشان نجهزها وجسمها كان زي لوح الخشب البت قالت
هو في ايه ياخالتي هي مخشبة كده