خرجت من البيت بعد منتصف الليل في عز البرد
انت في الصفحة 1 من صفحتين
خرجت من بيتنا بعد نص الليل في عز البرد عشان مراتي كانت تعبانه وسخنه جدا مشيت كتير عشان الاقي صيدليه
كنا لسه ساكنين جديد في المنطقة دي
مكنتش اعرف اماكن صيدليات..فضلت ماشي والشوارع فاضية مفيش صړيخ ابن يومين
سكون رهيب في المكان بيتخلله صوت نباح الكلاب
بعد تلت ساعه مشي..لقيت في نور لمكان من بعيد
جريت عليه قولت اهو حد ممكن اسأله على اقرب صيدليه
لما قربت أكتشفت أنه كشك خشب صغير
الاضاءه فيه كانت خافته
وقفت قدامه كان عباره عن كشك مربع
فيه ارفف عليها علب سجاير وبسكوت وعبوات شاي وسكر
بس الغريبة أنه مكنش حد موجود
وقفت محتار..خبطت ع الخشب بأيدي
وندهت
لو سمحت يا اللي هنا !!
غريبة واضح أنه مفيش حد فعلا
الكشك مفيش اي مباني حوالين منه
خطواتي مهزوزه وانا متوتر وحاسس ببرودة شديده
وانا بلف ورا الكشك اتكعبلت في حاجه
وقعت على وشي..سمعت حد بيأن وپيتألم
شغلت كشاف موبايلي ووجهته ناحية الصوت
ولقيت حد نايم ع الأرض ومتغطي بغطا شكله قديم
ونفسه بيطلع وينزل من تحت الغطا
مديت ايدي وانا بترعش ورفعت الغطا عنه
قلبي كان هيقف من الخضة واتصمت لما شوفت...
يتبع...
مديت ايدي وانا بترعش ورفعت الغطا عنه
واتصمت لما شوفت ست سبعينه لا حول لها ولا قوة
لا بلاش متضرنيش انا اكلت حتت جبنه صغيره
بس كنت جعانه اوي
قولتها اهدي يا امي..
انتي نايمه هنا ليه كدا
قالت انت اللي مين
انا ساكن هنا جديد وكنت نازل اجيب دوا لمراتي
بلف حولين الكشك خبطت فيكي بدون قصد اسف
ولا يهمك يا ابني..هو زمانه على وصول
هو مين
ابني صاحب الكشك
طب وانتي ايه منيمك هنا بس ف الجو دا وع الأرض كمان !!
قربت مني وهمست وقالت
انا جعانه..معاك فلوس
ايوه معايا عايزه كام
لا مش عايزه فلوس عايزاك بس تشتريلي اي حاجه اسد بيها جوعي من عند ابني
انفعت وانا بقولها
هو ازاي اصلا بيعمل فيكي كدا..هو ايه معندوش قلب ولا رحمه
وطي صوتك أحسن يسمعك..دا راجل شرني
ايوه بس هو ازاي يعمل كدا في أمه وليه اصلا ي..
فجأة مسكت ايدي وباستها
ارجوك يا بني انا جعانه
حاضر يا امي حاضر..لحظات
سبتها ورجعت الكشك من قدام
لقيت راجل أربعيني شكله كشړي والڠضب باين على ملامحه
ممكن لو سمحت شوية بسكوت وعصائر في كيس
يتبع
تؤمر
جاب الحاجه وحطها في كيس وانا بطلع وبحاسبه
قولتله هو انا ممكن افهم انت ليه بتعمل فيها كدا
نعم !! هي مين دي يا أستاذ
والدتك
مالها أمي
مالها ازاي انت مش شايف حالتها وهي مرميه
كدا في عز السقعه ع الأرض ھتموت من الجوع والبرد
ايه اللي انت بتقوله دا
ايه اللي انا بقوله ولا اللي انت
