رواية كامله

!! امش وقت هزار يا مروة
مروة.. ليكي حق متصدقيش.. بس للأسف هي دي الحقيقة وانا اتأكدت بنفسي
حنان.. ازاي !!! مش معقول.. انتي اكيد غلطانة
مروة.. بقلك فتشت موبيلة واتأكدت بنفسي.. هي اللي كان بيكلمها وكنت مفكراها انتي.. وكمان باعتلها مسجات كتير فيها حب وكدا
حنان.. معقول.. مامتي انا !!! احمد بيحب ماما !!! وماما عرفه !!

مروة.. اكيد تعرف طبعا.. بدليل المكالمات والرسايل
حنان.. طب مقالتليش ليه !! ليه ساكته الوقت ده كله !!
مروة.. عشان هي كمان بتحبه للأسف
حنان.. لا انا مش قادرة اصدق.. اقفلي دلوقتي يا مروة
مروة.. حنان.. انا عرفة ان دي صدمة بالنسبة لك.. بس كان لازم تعرفي.. ربنا يكون في عونك.. هكلمك تاني باي
حنان في حالة لا يرثي لها لا تصدق ما سمعته تكاد اقدامها لا تحملها تحس بأنها سيغشي عليها.. الاسي والحزن ېمزقان قلبها تسير بخطوات مرتعشة الي حجرة امها تفتح الباب دون ان تطرقة تنظر الي امها بعينان يزرفان بالدموع تحس بأن لسانها قد اصبح ثقيلا ولا تستطيع الكلام.. تمعن النظر الي امها ولسان حالها يعاتب ويقول.. معقول انتي يا ماما!!
الام.. في ايه يا حنان مالك يا بنتي
حنان.. ليه يا ماما !!
الام.. ليه ايه يا حنان !
حنان.. ليه تكسري قلبي بايدك !!
الام.. اكسر قلبك !! بعد الشړ عليكي يا بنتي
حنان.. سيبك بقي من دور الام الحنون المضحية اللي عايشة فيه ده مبقاش لايق عليكي
الام تتعجب من طريقة حنان في الحوار معها وتستشعر بأن حنان قد عرفت الحقيقة
الام.. مالك يا حنان في ايه!!
حنان.. احمد بيحبك صح 
الام.. ايه.. احمد مين 
حنان.. احمد خطيبي يا ماما.. بيحبك صح 
الام ترتبك.. بيحبني ازاي يعني
حنان.. بقلك بلاش تعملي مش فاهمة.. انا عرفت كل حاجة..
الام.. عرفتي ايه 
حنان.. عرفت انك الست اللي بيحبها احمد.. الست اللي خلته يتغير عليا.. الست اللي كانت شايفاني كل يوم في حيرة وقلق وعذاب وبتقطع قدامها عشان خطيبي مش معبرني ومش قادرة اعرف ايه السبب اللي غيرة.. وهي عرفة كل حاجة وساكته وان شاالله بنتها ټموت قدامها ولا تفرق معاها
الام.. انتي بتقولي ايه !!
حنان.. بقول الحقيقة اللي كنتي انتي والاستاذ خطيبي اللي مفروض هيبقي جوزي بعد شهرين مخبينها عننا كلنا.. لكن للأسف الحقيقة بانت وانكشف امركم خلاص.. بس مكنتش اتوقع ابدا ان الست دي تكون انتي.. انتي يا ماما !!!
الام.. اهدي يا حنان وانا هفهمك كل حاجة
حنان.. هتفهميني ايه.. ما انا عرفت كل حاجة.. ويا تري انتي بتحبية زي ما بيحبك !! اكيد بتحبيه عشان كدا كنتي مخبيه عننا.. وياتري كنتوا متفقين علي الجواز !! اه.. كان ناوي يفلسعني عشان يتجوزك ولا كان هياخدك درة عليا.. بس للأسف لو اتجوزني مينفعش يتجوزك.. ولا كنتوا متفقين تعيشوا مع بعض في الحړام !!
الام تغضب وتصفع خد حنان بشدة وحنان تتحسس موضع القلم وفجأة تسقط علي الارض مغشيا عليها بعدها حنان تذهب الي المستشفي والام في حالة اڼهيار تام.. ابنتها تضيع امام عينها ولا تستطيع فعل شئ لا يهمها افتضاح امرها بقدر ما يعنيها شأن ابنتها وفجأة يتصل عماد اخو حنان بأمه
عماد.. انتي فين يا ماما !!
الام.. انا مع اختك في المستشفي
عماد.. مالها حنان 
الام.. حنان هتضيع يا عماد
عماد.. يبقي اللي سمعته صحيح
الام.. سمعت ايه انت كمان !!
عماد.. انتي علي علاقة باحمد خطيب حنان
الام.. مش وقت الكلام ده خلينا في اختك دلوقتي
عماد.. طيب انا جاي المستشفي حالا سلام
يغلق عماد السكة
الام.. لا حول ولا قوة الا بالله.. اعمل ايه بس يا ربي.. ثم تلتفت خلفها فتجد احمد واقفا فتندهش وتقول.. احمد.. انت جاي ليه!! جاي تتفرج علي بنتي وهي بتمۏت !! انا بنتي لو جري لها حاجة مش هسامحك ولا اسامح نفسي..
احمد.. اسمعيني يا محاسن انا مقدر موقفك بس دي الحقيقة وكانت لازم تتعرف في يوم من الايام.. لازم نواجه الحقيقة مهما كانت العواقب
محاسن.. عواقب ايه بقي ما هي الدنيا اطربقت علي دماغي وولادي عرفوا وبنتي بټموت اهه.. انت طلعتلي منين !! عشان خاطري يا احمد.. قول ان الكلام دا غلط محصلش وانك بتحب حنان..عشان خاطر بنتي ارجوك
احمد.. للأسف مقدرش.. لأني بحبك انتي
محاسن..