قصه رواية زوجة اخي كاملة

ادانا وعد وخلفه شكرا لاننا ملقناش قدمنا غير طريقين ضعف وفشل او قوه ونجاح وتأكد اننا اختارنا
القوه والنجاح بفضلك
صحينا تانى يوم وكإن مفيش حاجه حصلت واحمد بيضحك وبيهزر مع عمر وماما بتساعدنى فى تجهيز الفطار وهى
بتبتسم لى مصدر قوه ودعم جميل جدا ليا ديما تقولى لو كان عندى بنت مكنتش هرضلها الاذى
احمد قضى اليوم معانا وكلهم عادى وبيضحكوا وبيهزروا الا انا
عملوا فشار وشغلوا مسرحيه مدرسه المشاغبين وعملين يضحكوا الا انا
احمد وهو بيقرب من زهره ضاړبه البوز ده ليه يا لوزه
زهره انا اصل....
احمد انتى لسه زعلانه من امبارح
زهره باندفاع لا مش زعلانه.... مانجا
احمد نعم
زهره انا شامه ريحه مانجا.... شكلى بتوحم
احمد ضحك بصوت عالى حاضر يازهرتى شويه وجى
قام اخد مفتيحه وكان نازل لحقته بالجكت بتاعه الجو برد
احمد وهو بيبوس ايدها تسلميلى ياحبيبى شويه وجى وفكى بقى عمر قلقان عليكى
احمد نزل وانا وقفت دقيقتين مع نفسي بفكر ليه كده انا اتلهيت عن ابنى..... فوقى يازهره
دخلت قعدت وانا باخد عمر فى حضنى بصمت بصلى وابتسم انتى كويسه ياماما
ابتسمتله كويسه ياقلب ماما
قرب منى وهو بيبوس ادى وراسي انا بحبك اوى ياماما
موقف عمر فاجئنى وبكبت ڠصب عنى انتى بتعيطى ياماما
زهره لا ياحبيبى مش ببكى
عمر وهو بيبص للشاشه بابا قالى انه لما تزعلى لو بوست ايدك وراسك مش هتزعلى وهتبقى مبسوطه
حضنته بدفى صح ياحبيبى اسمع كلام بابا علشان بابا بيحبك
لقيت ماما بتحضنا وهى بتقول ربنا يباركلى فيكم يارب ويحفظكم من كل عين ونفس شريره
لقينا احمد داخل وهو بيقول خېانه من غيرى
قرب مننا وحضنا بعض حضڼ عائلى دافى جدا
فجأة جرس الباب رن واحمد قام يشوف لقيته دخلهم الصالون وجه 
احمد زهره البسي نقابك ده عمى ومعاه بنته
ماما خدت عمر جوه وانا لبست وخرجت مع احمد وقدمتلهم عصير وقعدت جمب احمد
عم احمد احم احنا جينالكم علشان كريمه عرفت انها غلط وجايه تعتذر عن اللى حصل
احمد واللى تتهم مراتى فى شرفها اللى هو شرفى ومتحترمنيش ولا تقدر انى فى مقام اخوها يتعمل فيها ايه
عمه بص فى الارض ومرضش وكريمه وشها كان احمر من الغيظ حسيتها هتقوم تاكلنى فمسكت فى ايد احمد جامد
فبصلى يطمنى فقولتله بصوت واطىبراحه ده عمك
بصلى فسكت فرد عمه حقك عليا يا احمد هى غلطت جامد اوى بس انا بعتبرك ابنى وعارفك هتقدرنى وانى ف بيتك
احمد انتى على راسي ياعمى لكن اسمعها من الانسه وهى بتعتذر
كريمه بغيظ انا اسفه يا زهره
احمد اسمها ام عمر ويريت متحوليش تقربى منها او من عيلتى تانى لانى سبتك المرادى
لانى سبتك المرادى علشان خاطر عمى لكن اى غلطه تانيه والله مهرحمك
كريمه خاڤت من احمد خصوصا انها عارفه انه ميرجعش فى كلامه من وهم عيال صغيره
وانه مش زى هشام ومش هتعرف تضحك عليه
قامت كريمه تسلم عليا وهى بتقولى حقك عليا متزعليش منى ووطت صوتها وهى بتقولى هدفعك تمن القلم
اللى اضربته والاعتذار غالى اوى وهتشوفى
بعدت عنها وانا خاېفه وهى نزلت علطول وباباها وقف حقك عليا يا احمد انا معرفتش اربى
الراجل كان باين عليه الكسره والحزن
احمد وهو بيبوس على راسه ارفع راسك يا عمى اختى وغلطت بس انا زعلان منها
عمه بصله بشكر ربنا يحفظك يا ابنى ويهدى بنتى عن اذنكم
بليل الساعه 12 بعد ما كريمه روحت وهى بتحكى لصحبتها اللى حصل
صحبتها بضحك ههههه معلش يا كوكى بس البت علمت عليكى....
كريمه پغضب ما تتلمى يازفته انتى
صاحبتها هههه مش قادره دى لو سحراله مش هيعمل كده
كريمه ضحكت بخبث سحراله...!!!!!!!......
ياترى ايه اللى هيحصل!!!
كريمه ضحكت بخبث سحراله!!!..... ازاى مفكرتش فى ده
صاحبتها انتى بتفكري فى ايه دلوقت
كريمه انتى تعرفى ساحر كويس نروحله
صاحبتها اعرف ناس تعرف توديكى لكن انا مليش دعوه
كريمه پحقد ودينى بس وهشتريلك الخاتم اللى كان عجبك
صاحبتها بطمع موافقه بس الخاتم قبل ما نروح
كريمه بكره الصبح
نام الكل وكل واحد باله مشغول بحاله الا كريمه مشغوله بحقدها ومعميه بحب الدنيا الزائد
تانى يوم الصبح قدام محل الدهب واقفه كريمه مع صاحبتها اللى لابسه الخاتم فى ايدها وفرحانه بيه
كريمه بسخريه مش يلا ياعروسه!!!
صاحبتها بقرف يلا
وساقت كريمه العربيه لوجهتها اللى هتدمرها.... ووصلوا لمكان الدجاله
دخلوا منطقه مهجوره وقربوا من بيت مخيف خبطوا الباب اتفتح وهو بيعمل صوت مرعب
دخلوا وكانوا خايفين هم الاتنين
الشيخه حسنات اتفضلوا
كريمه پخوف هاى
الشيخه حسنات هاى.!!!.... جاينلى ليه وانتم شكلكم ناس اكابر محترمين كده
صاحبه كريمه نغزتها اتكلمى خلصينا
كريمه پخوف بتخفيه عايزه اعمل عمل
الشيخه حسنات لمين وعلشان ايه
كريمه پحقد لمرات ابن عمى..... هى كانت متجوزه ابن عمى الكبير وبعدين ضحكت على اخوه الصغير واتجوزته
الشيخه حسنات اسمها وسنها وحاجه من لبسها وتجيلى بس هتدفعى كتير..... اصله باين كده جوزها هو اللى حبها واتجوزها
مش هى اللى ضحكت عليه
كريمه بغل وڠضب وانتى ايه عرفك انه هو اللى بيحبها..!
الشيخه حسنات بنظره ارعبت كريمه متسأليش فى اللى ميخصكيش
خرجت كريمه وصحبتها من المكان ومشيوا بسرعه وفضلت كريمه تفكر هتجيب لبس زهره ازاى لحد موصلت لفكره
اما عند زهره كانت بتمارس يومها العادى وسط محاولات خلق السعاده ليها ولعيلتها وهى بتعانى من تعب الحمل
اما كريمه راحت اشترت هديه لزهره وراحت بيت زهره واحمد قبل مااحمد يرجع من الشغل
فى بيت زهره الجرس رن فلبست نقابها وخرجت تشوف مين
زهره فتحت الباب اتفاجئت بكريمه وفضلت ساكته
كريمه ببراءه مش هتقوليلى اتفضلى
زهره دخلتها وقفلت الباب لا طبعا اتفضلى
دخلت كريمه وزهره الصالون
كريمه معلش جيت من غير معاد بس جبتلك هديه وجيت اعتذرلك
زهره بطيبه مكنش ليه لزمه تتعبى نفسك.... معلش مفيش حد هنا فهقوم اجبلك حاجه تشربيها
كريمه متتعبيش نفسك
زهره لا لازم تشربى حاجه هعملهالك بسرعه مش هتأخر عليك 
كريمه ممكن بس تعرفينى الحمام منين معلش
زهره شورتلها على الحمام وراحت المطبخ تعملها عصير وكريمه دخلت بسرعه تدور ف الاوض لحد ما دخلت اوضة زهره
واحمد وهى بتفتش فى هدوم زهره وبعدين خرجت بسرعه وهى بتجرى ع الصالون ودخلت زهره بالعصير
زهره اتفضلى
كريمه شكرا.... انا جيت اعتذرلك يازهره معلش حقك عليا
زهره ولا يهمك كلنا بنغلط وانا مسامحه
كريمه انا لازم امشي دلوقتى علشان اتأخرت....... كريمه لنفسها غبيه اوى يازهره غبيه
مشيت كريمه وقعدت زهره تجهز فى الغدا لحد ما احمد وعمر وحماتها اللى بتزور صاحبتها تيجى
رجعت كريمه للشيخه حسنات اللى اسمها عكس فعلها ودخلت عندها
كريمه اهيه الحاجه واسمها زهره وسنها 31
كريمه فضلت عند الست مرضتش تمشي غير لما تاخد العمل وفضلت لحد الساعه 8بليل
خرجت والمكان كله ضلمه وخړاب وصوت الكلاب والقطط مزعج ومرعب جدا فجأة كريمه حست بضل حد وراها
خاڤت وفضلت تجرى لحد ما تاهت المكان مهجور ومبتش شايفه حاجه غير مكان بعيد منور
فضلت تجرى كتير واول موصلت خبطت على الباب فتحلها راجل شكله مقرف وابتسامته بشعه
خاڤت وجت تجرى لقت حد بيزقها من بره لجوه وكان نفس الشخص اللى بيجرى وراها ادخلى ياشيخه هبطينى
كريمه كانت مړعوبه من منظرهم
الراجل اللى فتحلها انت تعرفها مين دى ياواد يامشرط
مشرط دى واحده بقالها يومين بتيجى لحسنات النصابه بس ايه مزه اوى باينلها بنت ناس
الراجل ده المعلم هيفرح بينا اوى
كل
ده وكريمه مړعوبه جدا واول مامسكلها اغمى عليها
احمد رجع البيت وزهره حكتله اللى حصل واستغرب لكن معلقش
الساعه واحده بليل صحى احمد على صوت تليفونه
احمد بنوم الو
عم احمد الو يا احمد الحقنى انا مش لاقى كريمه خرجت من بدرى ومرجعتش
قام احمد مخضوض طيب طيب انا جى
زهره بنوم فى ايه ياحمد
احمد وهو بيلبس ده عمى بيقول مش لاقين كريمه
احمد راح لعمه وفضلوا يكلموا صحابها انكروا انهم شافوها انهرده
واحمد حكى لعمه انه زارتهم ومشت النهار طلع وبلغوا الشرطه وفضلوا يدوروا عليها خمس ايام
ولما الشرطه جابت صاحبتها اعترفت انها كانت معاها قبل ما تختفى وحكتلهم عن الشيخه حسنات
الشرطه وصلت وقبضوا على الشيخه حسنات وخدت مؤبد وقبضوا على الرجاله والمعلم بتاعهم
واللى اتعرف انها كانت بتعمل سحر لزهره وزهره اللى اخدت قرار انها تكون اقوى من كده ورفضت
اى حد يدخل بيتها منهم تانى
بعد 15سنه
زهره اصحى يامالك..... اصحى يافاطمه...... ياربى ايه التوأم ده.... اصحى ياعمر
زهره بزهق يووووه ما تصحوا بقي
احمد من وراها بتزعقى ليه ياحبيبتى
زهره عيالك اتأخروا ومش راضيين يصحوا
احمد ولا تزعلى خالص..... مسك ازازه مايه وبدأ يكب على عمر ومالك وفاطمه صحيت علطول
زهره تستاهلوا ياجزم..... نايمين فى الليفنج وسهرتوا وانا قولت تسيبم اخوكم ينام علشان فرحه
فاطمه ياماما اخر ليله يبات معانا فكنا بنحتفل
زهره هيسكن فى المريخ هو..... قومى يابت اجهزى خلصى
فاطمه قامت ومالك قام جرى يجهز ويكلم صحابه فاطمه ومالك توأم وعندهم 15 سنهعمر بيتجوز ملك وبقى عندهم
فاطمه تعالى ياعمر
عمر قام غسل وشه وغير التيشرت وراح قعد جمب احمد يفطر
عمر كده برده ياحج.... تبلنى حتى يوم فرحى
احمد بضحك ابلك ولا الغى الفرح خالص
عمر لا خلاص خد بلنى
خلصوا فطار وزهره ساعدت عمر يجهز وخرجت تلبس واحمد دخل لعمر
احمد وهو بيحضن عمر مبروك ياحبيبى..... خلى بالك من ملك بتحبك بس عنيده شويه
عمر حاضر يابابا.... والله ما عارف مين فينا ابنك
احمد انتم الاتنين ولادى وملك امانه عندى دى بنت صاحبى وصانى عليها قبل ۏفاته
انا اللى هسلمهالك وانا اللى هقفلك لو زعلتها
عمر وهو بيحضن احمد شكرا شكرا على كل حاجه.... شكرا لانك كنت الاب اللى بتمناه
احمد وهو بيحضنه بحب وفرحه ايه الكلام الاهبل ده اوعى تقول كده انت ابنى وعمرى متخيلتك غير كده
فى الفرح
احمد وهو بيحضن زهره مالك ياروحى
زهره بدموع شوف ولادنا شكلهم حلو ازاى وهم بيرقصوا مع بعض وفرحنين باخوهم
انا بحبك اوى يا احمد...... شكرا على كل حاجه حلوه قدمتها فى حياتى وحياه عمر
احمد بمرح هو يوم الشكر انهرده ولا ايه.... حبيبتى انا قدمت حبى وواجبى وبس
فى النهايه دى كانت قصتى اه صح انا عملت معادلات ودبلومات وحاجات كتير لحد ما اخدت الدكتوراه فى علم النفس
وبقيت اساعد كل الاطفال والنساء اللى محتاجه اى مساعده نفسيه علاجيه واخيرا واجهوا المواجهه علاج كويس
واجه خۏفك واجه فشلك واجه طبيعه انك انسان عادى يترفض ويرفض اتشجع وقول لا ده هيتعبنى مش هعمله
حب نفسك واهتم بيها واحترمها من غير ما تئذى نفسك او تئذي حد
........ دزهره.........