جوزي المفتري بقلم هويدا زغلول
انت في الصفحة 1 من 6 صفحات
وقبل ما نبدا الحكايه اعرفكم بنفسي أنا ولاء
عندي 33 سنه ومتجوزه وعندي بنتين
وفي يوم كنت راجعه من شغلي ولقيت بناتي
قاعدين
ولاء
مالك يا وجودي انتي وندي عاملين ليه كده
في حد زعلكم
جودي
بابا يا ماما اخد الفلوس اللي في الدولاب
كلها واحنا جعانين ومافيش اكل في البيت خالص
ولاء
في المطبخ الصبح ولقيت حماتي خارجه تقولي
الحما
لا مهو بناتي جم انهارده وانا مش لحقت
اعمل اي معلش بقي يا حبيبتي اخد الاكل
اللي كان في التلاجه
ولاء
بالف هنا وشفاه يا حماتي بس مهنش
عليكي تأكلي العيال دول معاكي
الحما
اعملك اي انتي اللي عامله فرخه واحده وانتي .عارفه عيالي عددهم كبير مكنش هيكفي
ماشي يا حماتي بالف هنا وشفاه اكيد
يا جودي بابا نزل يجيب اكل
الحما
انا نازله شقتي بقي لاحسن طول النهار
وافقه في مطبخك علشان احط لعيالي الاكل
معلش يا ولاء المطبخ فيه شويه مواعين
جوا ابقي اعمليهم انا نازله انام
وبعدها نزلت
ندي
ماما انا عايزه امشي من هنا بجد مش بقيت
ولاء
هنروح فين بس يا حبيبتي انتي عارفه ان مليش
اهل ولا حد نقدر نروح ليهم
ندي
انا داخله انام شكل بابا هيتاخر وانا
عندي مدرسه الصبح
ولاء
ادخلي يا حبيبتي وانا اول لما بابا يجي هصحيكي
علشان تكلي وبعدها دخلوا
وعلي القهوه كان قاعد وليد جوزي وأصحابه
سيد
نفسي مره انت اللي تحاسب بدل ما كل مره
وليد
عيب عليك الجيب مليان انهارده اطلبوا
اي حاجه وانا تحت امركم
سيد
اي ده منين بقي انشاء الله ما الكل
عارف انك مش بتشتغل جبت فلوس منين
وليد
وانت مالك هو انت ليك اكل ولا بحلقه
شوف عايز تشرب اي
سيد
ماشي بقولك اي أنا عايزك في مصلحه معايا
كده بكره وباذن الله هيكون ليك قرشين
وليد
انا مليش في المصالح دي انا عايز شغل
يكون دائم
سيد
يا سيدي تعالي بس وبعدين اتنك زي ما انت
عايز
وليد
ماشي بكره اجيلك لما نشوف اخرتها
وبعدها مشي وكانت أمه وافقه قدام الباب
الام
بقالي ساعه واقفه كده مستنيه لما تيجي
من برا بقولك اي مراتك مبقتش عجباني
بقت ببتأخر برا البيت
بقولك اي يا اما هما إخواتي يلعبوا في دماغك
وانتي بتيجي عليا انا خليها تشتغل هكون انا
وهي قاعدين في البيت
الام
يا واد هو انا قولت حاجه بس خليها تشتغل
عند حد نعرفه جوز اختك عايز واحده تشتغل
عندو في الورشه
وليد
طيب سبيني اطلع انام وبعدين نبقي نتكلم في الحوار ده وبعدها طلع وانا كنت من التعب
نمت علي الكنبه وتاني يوم صحيت
ودخلت اوضه النوم ولقيته نايم
ولاء
بزمتك انت اي حرام عليك اللي بتعمله
في عيالك ده امك تاخد الاكل وانت بتاخد
الفلوس كلها
وليد
انتي اي يا شيخه منبع نكد فيه حد يصحي
حد بالطريقه دي
ولاء
العيال نايمه امبارح من غير اكل وانا مرتبي
مش بقي بيكفي كل القرف اللي انا عايشه
فيه ده
وليد
مهو خلاص مرتبك من هنا ورايح هيكون
في زياده هنشوف العز يا بت
ولاء
ازاي بقي انشاء الله
وليد
سمير جوز اختي شيماء عايزك
تروحي تشتغلي معاه في الورشه وانا وافقت
اه انا برضه لما اقعد افكر بيني وبين نفسي
قولت ازاي اسيب مراتي تشتغل عند حد غريب
ولاء
وانا لا يمكن اوافق اشتغل عندو انت
عارف اختك مش بتحبني خالص
وليد
خلاص يبقي مافيش شغل من هنا ورايح
اه انا مش ضامن انتي بتعملي اي برا
البيت
ولاء
وانا موافقه خليني قاعده في البيت هنا وانزل
انت اشتغل يا حبيبي معنديش مانع
وليد
لما ابقي القي شغل بقي ابقي افكر انزل
اشتغل بقولك اي اخلصي يلا وادخلي اعملي لي
فطار
ولاء
منين يا راجل قولتك مافيش اي اكل
هنا في البيت هو انت مش سامع كلامي ولا
ولا اي
وليد
طيب لما انزل اشوف لقمه عند امي تحت
اكلها لاحسن انا جعان اوي وبعدها نزل عند أمه
دخلت ندي بنتي وقالت
ندي
ماما هو مافيش اي اكل ناخدو معايا
