جوزي المفتري بقلم هويدا زغلول
راجع من برة مش على بعضة قولتة
مالك ياراجل مش على بعضك ليه كده ادخلو جوه يابنات
وليد
ايه ياولية اللي مش على بعضي منا كويس قدامك اهو
ولاء
لا انت شارب حاجة صح انت رجعت للهباب اللي بتشربة تاني ياوليد احنا مش اتفقنا انك تبطله عشان بناتك
وليد
منا بطلته يا ولاء بس دي كانت قاعده تفريحي كده مع سيد صحبي وعزم عليا
اهو انا مش خاېفة الا من سيد صحبك الزفت ده هو اللي جايبك ورا منه لله
وليد
خلاص بقا ياولية اهمدي ومتطيريش الحجرين من نافوخي
وطلعت حماتي وقالت مالك ياقلب امك بتزعق ليه سامعه صوتك من شقتي عملتي فيه ايه يلي تنشكي
ولاء
هكون عملت فيه يعنى ياحماتي وبعدين ابنك عندك اهو متسالية هو اللي راجع من برة مش على بعضة
وانتي مالك يابومة هو راجع مبسوط شويه تقومي تعكنني عليه روحي منك لله ياشيخة
دخلت اوضتي وفضلت اعيط على حظي والناس اللي انا عايشه معاهم دول
والنت ركب عندنا والبنات بقو مبسوطين بيه اوي
وانا في الشغل قاعده وقت الراحة انا وسماح لقيتها بتقولي
والنبي اللي بتحكية عن حماتك وجوزك ده ياولاء مش عارفة انتي مستحملاه ازاى واحدة غيرك كانت سبتلهم البيت وطفشت بعيالها
هاروح فين بس يا سماح لا عندي اب ولا ام عشان اروحلهم اديني عايشة ومستحملة عشان البنات
سماح
الله يكون في عونك منهم ويصبرك عليهم لما اروح بقا اخلص شغلي لتيجي بوظ الأخص اخت جوزك تشوفنا بنرغي تعملها لنا شغلانة
ولاء
ههههه ماهي اخت جوزى من نفس العيلة
سماح
عيلة مايعلم بيها الا ربنا
وعدي اليوم ورجعت البيت لقيت جودي فاتحة الكاميرا وعماله ترقص قدام الموبايل قولتلها
ندى
بنعمل تيك توك ياماما
ولاء
اللي هو ايه ده يعني مش فاهمة
ندى
اللي هو ايه نرقص قدام الكاميرا ونعمل مشاهدات والناس كلها تشوفنا عشان تجيب فلوس ونجمع مبلغ ونطلع من البيت ده
ساعتها لطمت على وشي وقولت
يلهوي ياخرابي ومين اللي عرفكو القرف ده يابت انتي وهي
جودي
أصحابنا كلهم بيعملو كده ياماما دي نانسي صحبتنا بټضرب مامتها بالشبشب وتهزقها قدام الكاميرا وبتجيب فلوس كتير اوي متيجي نعمل معاكي كده عشان نلم فلوس
اخرسي ياقليلة الادب الكلام ده عيب ياجودي انا مربياكم انتي واختك على الادب والاحترام تقومو تعملو كده وتقولي لي كده ينفع الكلام ده لا لا انا زعلانه منكم
ندى
لا ياماما مينفعش احنا اسفين
جودي
ايوه ياماما احنا خلاص مش هنعمل تيك توك تاني متزعليش مننا والنبي حقك علينا
ولاء
اسمحو القرف اللي على موبيلاتكم ده ماشي
اعمل ايه ياربي في الهم اللي انا فيه ده
وانا في الشغل قولت لشيماء
انا هستاذن شويه كده رايحة مشوار وراجعة ياشيماء
شيماء
رايحة فين
يا مرات اخويا على العموم روحي
ولاء
عامل ايه يا محمود طمني عليك ياخويا
محمود
تعبان اوي ياولاء وعايز اخرج من هنا انتي عارفه اني اتحبست ظلم
ولاء
معلش ياخويا اهي كلها كام شهر والمده بتاعتك تخلص وترجع بيتك
محمود
المهم انتي عامله ايه وبناتك ووليد عامل معاكي ايه
ولاء
اهو اديني مستحمله مرارة هو وامة عشان خاطر البنات يامحمود مانت عارف انا وانت ملناش حد بعد ابوك وامك
محمود
معلش ياختي طول عمرك حمالة قسية ياولاء ربنا يعينك
ولاء
ربنا يخليك ليا ياخويا انا همشي بقا لحسن لسه هرجع الشغل تاني وابقي اجيلك تاني مش عايز حاجة اجبهالك الزيارة الجايه
محمود
لا ياولاء عايز سلامتك ابقي سلمي على البنات كتير
وخرجت من عند اخويا ولقيت شيماء في وشي
وقالت
هو ده بقا المشوار الي سبتي شغلك عشانه يامرات اخويا
ولاء برعشة
شششي ماااء
شيماء
ايه مالك اتخدتي كده ليه كنتي جاية بقا لمين هنا ياحلوه
ولاء
انا
