رواية فهد وملك بقلم رحمة
و هي بتدي له الدوا قالت حضرتك أجهدت نفسك جامد ماكنش ينفع كده.
فهد عايز أخف بسرعه.. عشان...
ملك عشان إيه..
فهد سرح فيها كان عايز يقولها إنه عايز يخف بسرعه عشانها عشان يبقى لايق بيها و يرجع فهد بتاع زمان إلي كان زي الفارس المغوار على حصانه مش عايز يبقى نص راجل قدامها.
لكنه سكت و لجم مشاعره ما قدرش يقول
خرجت ملك من الأوضه بسرعه و فهد فضل ينادي عليها لكنها ماردتش.
نزلت ملك الجنينه و فجأة بقت بټعيط.
ملك لنفسها و أنا مالي.. بعيط ليه دلوقتي..فيها ايه لما يخبي عليا و يبقى مش عايز يقولي و لا عايزني أقرب منه..مش المفروض أن هو حر .. أيوه هو حر و أنا مالي.. أنا أكيد صعبت عليا نفسي بس مش أكتر.
شويه و لقى عباس ابن الجنايني مقرب لعندها.
عباس مالك جاعده كده..حد زعلك و لا إيه
ملك لا ما فيش
عباس مافيش إزاي.. أمال باكيه ليه
ملك كانت لسه هترد لاقت صوته العالي بيناديها ملللك.
وقفت ملك بفزعة لاقته في البلكونه بيبص عليهم
ملك نعم.
جريت ملك على فوق
ملك نعم
فهد إيه إلي مجعدك ويا الواد ده
ملك .. واد مين
فهد عباس ابن الجنايني.. إيه الخدامين بيحنوا لبعض.
ملك إيه
فهد پغضب و غيرته اتحكمت فيه لا إيه و تيه .. عشج الخدم ده مش حدانا... تتلمي و تصوني ادبك .. مش عايز جلة حيا و جلع بنتا و مسخره.. مش جادرة تبجي نضيفة.
ملك ما قدرتش تستحمل إيه إلي انت بتقولوا ده.. لا.. أنا سكت لك كتير و عديت لك كتير بس انت كده جيت على شرفي.. انت زودتها قووي.
فهد اتحرك بكرسيه و خرج و ساب لها الاوضه بس صوت بكاها كان تاعب قلبه وخانقه
نزل فهد الاسانسير على اوضه المكتب .
دخلت امه و قفلت الباب وراها بهدوء قربت منه جليله و قالت كنت بتتعارك ويا مرتك ليه يا ولدي
فهد ما فيش حاجه ياما.
جليله فكرك انك ممكن تداري عليا إياك ..لاااه.. ده انا افهمك يا ولدي من نظره عينك
جليله اسمع يا ولدي الفرصه بتيجي في العمر مره واحده مش كل البنات زي بعض
فهد تجصدي ايه
جليله اجصد انك تبجى أجوى منك أكده مش فهد الجناوي الي حتت بت مهما كانت هي مين تربي لي عجده و تخليه متعجد من صنف الحريم كله اللي حصل معاك زمان يا ولدي عمره ما هيتكرر تاني مش كل البنته زي بعض انا خابرة ان الحاډثه ماثره عليك .. صدجني ملك مش زيي الهام..... مش زيها ابدا..... انا ليا نظرتي يا ولدي و انا ياما جولت لك الهام دي لا من توبك و لا وقمك نهائي... و اهي كانت السبب في حادثتك
