بابا وخطيبي

ياولاء انا فرحان اد ايه من ساعت بابا ماقالي على ميعاد الخطوبه
ولاء
انا كمان يا رؤوف فرحانة اوي بس مش عارفه ليه منال عايزانا نعيش معاهم
رؤوف
دي بتحبك على فكره ياولاء وانتي ظلماها
ولاء
لا طبعا مش ظلماها ولا حاجة دي هي فعلا مش بتحبني عشان كده يا رؤوف انا عايزاك تطلب من بابا اننا نعيش لوحدنا في شقتك
رؤوف بخبث 
هو انااا هحاول معاه ياحبيبتي
وراح رؤوف الشركة وقابل مصطفى بتاع الحسابات وقاله 
ها يامصطفى ايه الاخبار اوعي حد يراجع وراك ويكشف لعبنا في ورق المناقصة انت عارف ان يحي مطمن لينا وانا عايز افضل منيمة كده
مصطفى 
متقلقش يارؤوف بيه انا مظبط كل حاجة ده حتى لو يحيى بيه راجع ورانا هيلاقي الورق كله سليم ميه في الميه
رؤوف
ايوه كده يامصطفى عفارم عليك انا برضو كان ليا حق لما اخترتك تكون الراجل بتاعي
مصطفى
تسلم يارؤوف باشا ده كله بتوجيهات ساعتك طبعا
رؤوف
شكرا يامصطفى وابقي إصرف لنفسك مكافأة محترمة كده وتأكد اني عمري ماهستغني عنك ابدا
مصطفى
ربنا يبارك فيك ده خيرك مغرقني ياباشا تسلم وقفل مصطفى رؤوف وقال لنفسه
ههههه خليك كده مغفل وساكت بالكام مليم اللي بضحك عليك بيهم يارؤوف ده انت كنز واتفتحلي وبرضو مش هتقدر تستغني عني
مصطفى اتصل بمجهول وقاله
ايوه ياعمهم كله تمام وصاحبك اكل الطعم انا بقا هجبلك ورق المناقصة الأصلي وانت اتعامل بمعرفتك
مجهول
انت ياض طلعت بلوه مسيحة ومتقلقش نصيبك من العمليه دي محفوظ
مصطفى
الف شكر ياباشا سلام دلوقتي
في البيت عند منال
الوو ايوه يا رؤوف عملت ايه في موضوع المناقصة
رؤوف
متقلقيش ياحب كله تمام الواد المحاسب ده عقر ومظبط الدنيا مانتي عارفة مجايبي ياموني
منال
ايوه كده والله لخلي يحي يبع اللي وراه واللي قدامة عشان يبقا يتحداني ويصمم يجهز البت
رؤوف
على فكرة دي مش عايزة تعيش معاكي وعايزاني اخدها ونتجوز في شقتي
منال
ده بعينها لو ده حصل خليها تحلم ياحبيبي بس الشاطر هو اللي يضحك في الاخر
وجه يوم الخطوبه وبابا عملها في بيته
يحي
الف مبروك ياولاد ربنا يتمم بخير انا فرحان ليكي يا لولو
ولاء
الله يبارك فيك يابابا ربنا يخليك ليا يارب
منال
مش يلا ياعريس تلبس الشبكة لعروستك
وفعلا رؤوف لبسني الشبكة وقالي
الف مبروك ياحبيبتي النهارده اسعد يوم في حياتي
ولاء
انا كمان يارؤوف اسعد يوم في حياتي
منال واقفه وعماله تبصلي بغيظ
يحي
ايه رايك ياقلبي في الشبكة بتاعت ولاء تجنن مش كده ده زوقي على فكره انا اللي اخترتها مع رؤوف
منال
جميلة طبعا ياحبيبي وانت اصلا طول عمرك زوقك يجنن امال انت اختارتني من فراغ
يحي 
ههههه اومال ياقلبي انا برضو كان عندي زوق لما اختارتك
منال بدلع 
طيب مش هتجبلي خاتم الماظ زي بتاع ولاء ده بقا
يحي 
بس كده ده انا هجبلك احلى منه بكتير ياقمر
وبعد كام يوم في الشركة
يحي 
ها يا رؤوف ورق المناقصة جاهز المفروض يتسلم بكرة
رؤوف 
اطمن يا يحيى بيه كله تمام والورق هيتسلم في ميعادة
يحيى 
تمام يارؤوف انت عارف لو كسبنا المناقصة دي يارؤوف الشركة هتتنقل ناقلة تانية خالص وانت بقا هيبقا ليك نسبة محترمة
رؤوف 
انا مش عايز غير رضاك عني ياحمايا العزيز
يحيى 
لا بجد يارؤوف اللي انت بتعمله لمصلحت الشركة تستاهل عليه مكافأة كبيرة جدا
رؤوف 
تسلملي ياحمايا طيب انا هاروح مكتبي واتابع الشغل عن اذنك
ويوم النتيجه بتاعت المناقصة بابا خسرها وقال
ازاى الكلام ده يارؤوف انت كنت مقدم اقل عطا في السوق
رؤوف 
والله يا يحيى بيه ماعرف ايه اللي حصل انا كنت مظبط كل حاجة لكن النصيب جه كده بقا على
العموم احنا مخسرناش
حاجة لسه فيه مناقصة تانية واكيد هنكسبها
يحيى
اسمع يا رؤوف انا مصدقت
الشركة دي وقفت على رجليها ومش عايز اخسر
حاجة و الاقيها وقعت تاني
رؤوف
متقلقش ياباشا عن اذنك
وخرج من مكتبة واتصل بمصطفي
الوو ايوه كده يامصطفى هو ده الشغل ولا بلاش دلوقتي بقا خلي بالك مش عايزة يخسر التانيه تعديها عادي انما الشغل التقيل والفلوس في الناقصة دي وخلاص بقت في جيبي
مصطفى
حصل وكله تمام ياباشا
رؤوف
انت عارف لو سالك اسم صاحب الشركة اللي كسبت المنافصة دي اوعي تجيب سيرتي وهاتله اي اسم وخلاص توهه يعنى مش عايزة يعرف اني عامل شركة من الباطل
مصطفى
طبعا عارف كل ده اطمن انت بس
رؤوف جه عندنا وكان قاعد معايا وقالي
وحشتيني اوي يا ولاء
ولاء
على فكرة انا زعلانة منك
رؤوف
ليه بس الجميل زعلان مني وانا اصلا مقدرش على زعله
ولاء
بقالك فترة ولا تتصل بيا ولا بتيجي هنا في ايه يا رؤوف الشغل واخدك اوي كده
رؤوف
ڠصب عني والله يا لولو الشغل فعلا واخد كل وقتي اعمل ايه وكمان يحيى بيه مبيقدرش يستغنا عني ابدا
ولاء
ياسلام طيب منا خطيبتك وليا برضو حق فيك انك تسأل عليا وتطمن
دخلت علينا منال وقالت
انتي بقا ان شاء الله عايزاه قاعد جنبك من غير شغل ده باباكي مبيقدرش يستغني عنه مش كده برضو يا رؤوف
ولاء
انا مقولتش انه يقعد جنبي يامرات ابويا وبعدين هو انتي كنتي بتسنطي علينا ولا ايه
منال
انا هتسنط عليكم ليه ياحبيبتي في أسرار هتقولها وانا المفروض اسمعها الباب كان مفتوح سمعتكم وانا داخلة دلوقتي ياست ولاء
رؤوف
خلاص ياجماعة محصلش حاجة ومدام منال متقصدش ياولاء احنا اللي كان صوتنا عالي واحنا بنتكلم
منال
عجبك كده يا رؤوف اهي دايما كده فكراني بكرهها وعايزه تعمل معايا اي مشكلة وخلاص
رؤوف
معلش يامدام منال دي ولاء دايما بتشكر فيكي وبتعتبرك زي مامتها 
انا بصتلة بغيظ ومنال قالت 
مامتها ههههه دي الفرق بينا سنتين بس
ولاء 
ماهو عشان كده مش بحب اكبرك واقولك ياطنط
منال 
على العموم ياولاء ربنا يعلم انا بحبك اد ايه على فكره انت هتتغدي معانا يا رؤوف ده يحي لسه متصل عليا وقالي اخليك تستناه على الغدا
رؤوف 
لا خليها مره تانيه بقا لحسن انا ورايا مشوار مهم ولازم امشي
ولاء 
مشوار فين بقا ان شاء الله يا رؤوف انت مقولتليش يعني
منال 
انتي هتعملي عليه مراتة من دلوقتي ده لسه ياحبيبتي لما تتجوزو ابقي حاسبية هيهيهي 
وسبتنا وخرجت من الاوضه
ولاء 
شايف ازاى هي انسانة مستفزة
رؤوف 
ولا مستفزة ولا حاجة ياولاء انتي بس اللي حطاها في دماغك يلا بقا انا ماشي خلي بالك من نفسك سلام
وبالليل كان بابا نايم