رواية عشق بغير حسبان
عايز يسيبه_
دلوقتي جات الرقصه الثنائيه..وكمل بهزار أي اتنين مرتبطين أو بيلمحوا لبعض أو مش طايقين بعض يتفضلوا يشاركونا...
القاعه ضحكت وانا إديت مستر تميم ضهري وكنت هروح لأخويا بس اتفاجئت بيه شد دراعي وقالي_
معنديش فكره مين هتشاركني الرقصه..مفيش حد فيهم مميز..ايه رأيك لو ناولتيني الشرف ورقصتي معايا!
بصتله بصدممه ورجعت بصيت لسالم أخويا اللي كان فرحان وبيهز دماغه بالموافقه...كأنه عارف اني هبصله...
مقدرتش أقول لأ...انا كان حلمي اني اتكلم معاه!! بس اللي حصل حاجه تاني...كنت محرجه في البدايه بس الفرحه مختلفه...وتدريجيا حسيت اني نسيت الناس اللي حوالينا..
معرفش عدا قد ايه من الوقت....بس حسيت اني بطير!!مستر تميم اختارني انا!! مفوقتش غير لما لاقيت الناس كلها بتسقفلنا وانا وهو بس اللي كنا بنرقص والباقي بيتفرج!!
بصيت على اخويا لاقيته فرحان بيسقف...معقول!! أخويا قلب إريل!!!!
Nada_El_Shrief
بعد كد محستش بالوقت...صحابي جم خدوني وقعدوا يسألوني عن مستر تميم...دا غير بسنت اللي كانت في عالم موازي وعايزه رقم أخويا...لحظه.. أخويا!!
أخويا المفروض يزعقلي...أو يستغرب دا كان بيسقف!!
كنت قاعده معاهم بس مبردش من التفكير!! قومت من وسطهم ودورت على سالم بعيني ملقتهوش!!قولت أخرج برا أكيد واقف مع حد من صحابه..
أول ما خرجت أتصدمت لما لاقيته واقف مع زميله بيتكلموا...
مش فاهمه حاجه!! اه انا مبسوطه في نفس الوقت مستغربه من رد فعل أخويا..
قولتله وانا بقرب عليهم_ دورت عليك جوا ملقتكش..بتعمل ايه هنا
قالي_ صاحبي كان عايزني في حاجه ايه حصل!!
قولتله_ مش عارف ايه حصل
رفع كتافه وقالي_ لأ معرفش.
معرفتش أقوله ايه بس سيبته ومشيت أول ما دخلت القاعه لاقيت واحد بيعترض طريقي..
_أهدي بس مټخافيش مستر تميم مش هيروح في حته..
بصتله بعدم فهم وقولتله بتحذير_ انت اټجننت! ازاي تقولي كدا! أبعد عن وشي..
Nada_El_Shrief
قالي وهو بيبعد_ من حق الجميل يتدلع!! هبعد بس المرادي بمزاجي!
بصتله بقرف ودخلت لاقيت بسنت واقفه مع مستر معتز اللي شاورلي أروحلهم..
_نعم...حضرتك شاورتلي!!
بسنت قالتله بغباء_ مش فاهمه نوكلهم يعني..
قالها بقرف_ بس يا بت...تميم بيه كلفني إني افضل هنا لحد ما كله يمشي وانا عندي معاد مهم دلوقتي عايزكم تتولوا الموضوع دا.
كنت هعترض بس بسنت قالتله بسرعه_تحت أمرك يا مستر معتز..
قالنا وهو بيبعد_ هديكم مكافأه على الموضوع دا..
قالتلي بتبرير_ وفيها ايه انتي وراكي حاجه!!
سبتها ومشيت عشان أشوف سالم وأعرفه بس اتفاجئت بيه بيرن على موبايلي..
_ايه يا سالم
_تماره معلش انا نسيت ملف مهم أوي في البيت ولازم أروح اجيبه استنيني لحد ما اجيبه!!
_ملف ايه دا!
Nada_El_Shrief
_مستر تميم هيمضي عقد بينه وبين شركه تانيه النهارده والمفروض هيمضوا عليه بعد ما يتعشوا وانا المسؤول عن ملف الصفقه ونسيته.
_ طيب ماشي هستناك بس متعوقش.
في خلال نص ساعه كانت القاعه فضيت واتبسطنا انا وبسنت لما عرفنا ان مستر معتز قال لرجال الأمن ينفذوا اللي هنقولهم عليه..
القاعه فضيت ومتبقاش غيري انا وبسنت ولأن بسنت كانت جايا مع صحابها اللي مشيوا من غيرها فقعدت معايا نستنى سالم.
وإحنا واقفين برا في الهوا لاقينا مستر تميم وناس تانيه من ضمنهم البت الصفرا اللي قعدت جنبه والراجل اللي اعترض طريقي في القاعه...
كانوا خرجين من الفندق مستر تميم لما شافنا قالنا وهو بيقرب علينا_
ايه دا مروحتوش ليه!
قولتله بإبتسامه_ مستنيين أخويا عشان يوصلنا..
قالي بتذكر_ ايوا قالي هيروح يجيب الملف طيب تعالوا معانا متقفوش لوحدكم هنا.
قولتله_ لا شكرا احنا هنفضل هنا..
قالي بصيغه أمر_ اخوكي قدامه أكتر من ساعه ونص عشان يجي...تعالوا يلا.
انا وبسنت مشينا معاهم زي الجواميس مش فاهمين رايحيين فين
لفينا حوالين الفندق اللي كان وراه بسين وطرابيزات فخمه حواليه ورجال الأمن في كل حته..
كل واحد منهم راح قعد ما عدا انا وبسنت اللي وقفنا زي عودين القصب مش عارفين نروح فين!
مكانش في غير كرسي فاضي بسنت قعدت عليه ووقفت انا أبص حواليا..
بس زي ما بيقولوا انت مش عارف حظك فين!
وانا واقفه سمعت مستر تميم بيقول من ورايا_
مقعدتيش ليه!
لفيت وقولتله بإحراج_ مش لاقيا مكان أقعد فيه.
قالي بإبتسامته المعتاده_ بس كد!! طب تعالي..
مشيت معاه واتفاجئت بيه قال لحد من رجالته حاجه في ودنه..
الراجل خد باقي الرجاله ومشيوا مستر تميم راح على طرايبزه وقال للناس اللي عليها حاجه فسمعتهم بيقولوا_
براحتك يا تميم بيه.
فضلت واقفه لحد ما لاقيت مستر تميم داخل عليا وبيقولي_
أنا أصلا حابب نتكلم سوا..
قولتله وانا بشاور على نفسي_ انا!!
قالي_ ايوا..
Nada_El_Shrief
سمعت دوشه ورايا فبصيت لاقيت الرجاله اللي مشيوا جابوا طرابيزه وكراسي وحطوهم في مكان بعيد عن باقي الطرابيزات..
مدلي أيده وقالي برومانسيه_ تسمحيلي نتعشى سوا..
بصينا لبعض وفضلنا ساكتين بعدها قولتله وانا بمد ايدي ليه_
ايوا طبعا.
قعدنا على الطرابيزه وهو قلع الچاكت بتاع البدله والجرافت وشمر وفتح أول زرارين وشمر دراعه..
قالي بهدوء_ أحكيلي عن الروايات اللي السكرتيره بتحب فيها صاحب الشركه.
قولتله_ يعني..البطله مبتكونش متوقعه ان حاجه زي كدا ممكن تحصل والبطل دايما وسيم وبتجمعهم صدف كتير بعدها بيحبوا بعض وب...
قاطع كلامي وقالي_ وبيتجوزوا!!
حسيت اني بحكي عني انا وهو!! فضلنا باصين في سكوت حسيت انه فاهمني! عارف انا حاسه بأيه.
قاطع شرودنا الأكل اللي نزل..قالي بعد ما الأكل نزل_
مد إيدك وكلي مټخافيش مش هيتخصم من مرتبك!!
ضحكت على كلامه!! فضلنا نتكلم طول الأكل اتعرفت عليه وحكالي عن أسرته وانا حكيتله عن أسرتي وحكيت عني..
محسناش إننأ وسط ناس كنا بنتكلم بدون تكليف!!
كانت كل حاجه ماشيه كويس لحد ما الدنيا اتقلبت تماما.
كنت راجعه بعد ما غسلت أيدي وقفت قدام البيسين بتفرج عليه بس قاطعني صوت بيقول_
ها يا جميل كفايا دلع بقا!!
لفيت لاقيت الراجل اللي ضايقني في الحفله قولتله بقرف_
انت مچنون!!
Nada_El_Shrief
إديته ضهري ومشيت بس إتفاجئت بيه مسك أيدي جامد وقالي_
مچنون آه! إنما واحده تقولي لأ! ف لأ.
زعقت فيه وانا بشد ايدي_ إبعد عني يا حيوان انت.
الموجودين بدأو يبصوا ملحقتش أبص عليهم لما شدني من شعري وضړبني بالقلم.
كل الموجودين اتلموا حوالينا وسمعتهم بيقولوا_
_إهدى يا حازم بيه!
بصتله پصدمه ورفعت إيدي عليه بس إتفاجئت بيه صد إيدي وضړبني تاني بالقلم!
كنت ههجم عليه بس أندهشت لما لاقيت مستر تميم شدوا من ياقه القميص واداله روسيه في مناخيره واداله بوكس في وشه خلاه يقع على الناس الملمومه..
حازم حط إيده في جيبه وطلع مسډس و..
الفصل السابع من هنا
كنت ههجم عليه بس أندهشت لما لاقيت مستر تميم شدوا من ياقه القميص واداله روسيه في مناخيره واداله بوكس في وشه خلاه يقع على الناس الملمومه..
حازم حط إيده في جيبه وطلع مسډس وضړب طلقه صابت مستر تميم في كتفه!
الناس صړخت وانا معاهم مستر تميم مهتمش بالړصاصه اللي في كتفه وھجم على حازم.
الإتنين تقريبا كانوا في قوه بعض ودا خلى الإنتصار صعب مستر تميم رفص حازم برجله تحت الحزام خليته
يحني ضهره من الألم في نفس اللحظه اللي مستر تميم رفع وشه وضربه بوكس ورا التاني.
ورفعه وهو بيقوله بصوت عالي_
دي مش شمال زي اللي تعرفهم.
حازم كان بيتخنق وبيرفص برجله في الهوا...جريت على مستر تميم قولتله وانا بعيط_
خلاص نزله نزله ھيموت..
مستر تميم خفف قبضه إيده ورماه على الأرض بعدها نزل جابه من ياقه القميص ووجهه ناحيته وقالي_
خدي حقك..
قولتله وانا بعيط_ لأ خلاص مش عا...
زعق فيا وقالي_ خدي حقك..
بصيت لحازم إفتكرت لما ضړبني بالقلم
قولت لمستر تميم وسط دموعي وانا برجع لورا_ لأ مش هقدر.
مستر تف عليه ورماه على الأرض وشاور لبتوع الأمن يجوا ياخدوه..وقاله قبل ما يمشي من قدامه_
انت مرفود من الشغل...إياك أشوفك في الشركه تاني!!
مستر تميم مقدرش يقاوم كتفه المتصاب بړصاصه ومسكه پألم جريت عليه وقولتله_
يلا نروح المستشفى.
قالي بصيغه أمر_ روحي انتي يا تماره.
كنت هقوله لأ بس قالي وهو بيشاور لبتاع الأمن_ الأمر منتهي.
أمر بتاع الأمر انه يوصلني لبيتي ويطمن عليا طلبت منه أني أفضل بس رفض تماما.
روحت البيت ومعرفتش أنام كنت خاېفه جدا بس سالم رن عليا وطمني وقالي انه هيفضل معاه.
بعد يومين رجعت الشغل تاني بس المرادي الشركه كلها كانت بتلقح عليا بالكلام مهتمتش بيهم وطلعت على مكتبي..عديت على بسنت عشان اسلم عليها_
صباح الخير.
قالتلي وهيا بتقطم من السندوتش_صباح النور.
_مستر تميم جه الشغل!
_تقريبا آه شوفت عربيته راكنه تحت!!
_ماشي.
غمزتلي وقالتلي_ بتسألي ليه
قولتلها بقرف_ ايه يبنتي الغباء دا! خد ړصاصه بسببي وتقوليلي بسأل ليه..
قالتلي وهيا بتمدغ الأكل_ ايوا صح اسكتي اتأري حازم اللي اتضرب دا يبقى مدير فرع من فروع الشركه!! واترفد.
_ايوا عارفه.....أسيبك بقا تخلصي أكل... وأروح اشوف شغلي.
_شغل ايه آه انا مقولتلكيش مستر معتذ كافئنا عشان سدينا مكانه وخفف عننا الشغل.
قولتلها بتنهيده_ كتر خيره.
سبتها ومشيت عشان أروح لمكتبي بس الحقيقه إني طالعه لمستر تميم.
طلعت الدور واتوجهت للمكتب وأول ما شافني السكرتير قالي بدون مقدمات_
تميم بيه مستنيكي.
اتفاجئت من كلامه بس دخلت على طول كان قاعد بيشرب قهوه وبيقرأ ورق.
دراعه وكتفه كانوا ملفوفين بشاش أول ما شافني أتعدل في قعدته وقالي_
تعالي انا كنت مستنيكي.
شاورت بصباعي عليا وقولتله_ انا!
قالي_ ايوا...تعالي اقعدي.
قولتله وانا بقعد_ متشكره جدا لحضرتك وآسفه اني بوظت العقد اللي كان هيتمضي.
قالي وهو بيحط الورق اللي في ايده على المكتب_
الصفقه تمت ومضينا العقد.
قولتله بإستغراب_ ازاي حضرتك!
_حازم ملوش علاقه بالصفقه أساسا إمبارح مضينا العقد متشغليش بالك...انتي عامله ايه دلوقتي!
_كويسه الحمدلله آسفه عشان كنت السبب في ديوشاورت على كتفه.
إبتسم وقالي_ ولا يهمك يا تماره فداكي نفسي.
بصتله بصدممه من اللي قاله وهو برضه حس انه عك الدنيا ف تخن صوته وقالي بطريقه رسميه عشان يداري الموقف..
_أحم اتفضلي انت دلوقتي شوفي شغلك ونبقى نتكلم بعدين..
ضحكت عليه وهو بيتخن صوته وقومت وانا بقله_
ماشي تميم بيه.
خرجت من المكتب وانا مبسوطه من اللي قاله نزلت لمكتبي بس اټخضيت لما لاقيت مستر معتز واقف عند مكتبي.
قولتله وانا بقرب منه_ مستر معتز ازاي حضرتك
_كنتي فين.
_ كنت عند مستر تميم.
_طب اترزعي على مكتبك وركزي في شغلك.
مستر معتز وقف بعيد عننا ورفع صوته موجه كلامه للجميع_
إن شاء الله يا شباب الشركه ناويه تستقبل موظفين جداد من الدفعات المتخرجه جديد عشان كدا الشركه قررت تعمل تصفيات في جميع الأقسام وبما اني مديركم لازم أفهمكم ايه هيا التصفيات.
احنا هنعمل تقرير للموظفين خلال شهر وهنمشي المستهتر أو الغايب كتير أو اللي مبيتشغلش كويس والكلام دا
عليا وعليكم وفي اللي هيفضل في وظيفته وأحتمال كبير يحصل ترقيات للمجتهدين.
التقرير هيبدأ
من بعد بكرا لأنه أول الشهر الجديد..وفتح دراعه وهو بيقولنا كملوا شغلكم.
خلال الشهر دا مشوفتش مستر تميم غير مرات بسيطه مره في جراچ العربيات أو
