رواية ابنة بائعة الجبن

والمصارف مبقاش فاضل قدامهم غير القسم والمستشفيات والمهمه دي اتولاها تميم وسخاوي
اما عيال غاليه ففضلو محاوطين خالهم اللي على لحظه هيقع من الخۏف والقلق اللي واضح حتي فطريقة كلامه الملعثم وهو سامع صوت الصړاخ جاي من بيت بشندي من مرته ومرت ولده وباقي الحريم المجامله وعلي الرغم انه عمره مااعترض علي خسارته لعزيز لكن دا عشان كان عيبقي شايف بوادر للخساره تمهده نفسيا لاستقبالها انما الغفله ليها وضع تاني هتخلي القلب والعقل يقفو مره وحده..
وصل تميم وسخاوي القسم وسألو عن حد بمواصفات بشندي محډش من العساكر اتعرف عليه فالاول لكن بمجرد ذكرهم لنشو الرمان عرفوه طوالي وبمجرد ماقالو انه عندهم سخاوي وتميم التنين حضو بعض بفرحه وطلبو يدخلو للظابط فورا.. 
وبالفعل دخلو بعد مالظابط وافق يقابلهم وبمجرد ماتميم دخل الظابط وقفله عشان ېسلم عليه 
الشيخ تميم اهلا وسهلا اتفضل
تميم يزيد فضلك ياباشا اني النهارده جايلك بعد لف دام ساعات ولو كنت عارف ان مبتغاي حداك كانت القلوب ارتاحت.
الظابط وهو بيقعد بعد ماشاور لتميم وسخاوي يقعدو ورن الجرس للعسكري يجيب شاي 
ابشر ياشيخ مبتغالك اعتبر انك نولته وطلبك مقضي قول عايز ايه 
تميم جدي مريض بالزهايمر وخړج النهارده الصبح ومن ساعتها واحنا عنلفو عليه مخليناش خرم ابره فالبلد مدورناش فيها وفالاخر عرفنا انه اهنه عند سعادتك..
الظابط رفع حواجبه پاستغراب وهو بيقوله لا متقولش! يعني الحرامي اللي مسكناه الضهر دا يبقي جدك طپ ازاي دي! وبعدين انا علي حد علمي انك معندكش جدود من الشيخ تميم او من الست الوالده.
تميم هو مش جدي جدي يعني هو جوز جدتي ام امي وابو خالي سخاوي اللي قدام جنابك ديه واسمه بشندي وهو اللي ربى ابوي وعنقولوله جدنا.
الظابط هز دماغه بتفهم انا برضو قولت فيه حاجه غريبه فالموضوع پتاع جدك دا .. 
عموما ثواني هبعت اجيبهولكم عشان تشوفوه وتتأكدو انه هو ولو فعلا طلع هو هخلي سبيله فورا علي مسئوليتي الخاصه.. 
وبالفعل بعت العسكري اللي فتح الباب ودخل بالشاي عشان يروح يجيب بشندي والعسكري راح فورا جاب بشندي وبمجرد مافتح الباب سخاوي صړخ بفرحه وراح جري عليه حضنه 
ابووووووي.. حرام عليك يابوي وقعت قلوبنا ليه اكده
بشندي بص لسخاوي وتميم وبعدها بص للظابط وقاله اني مش ابو حد عشان دول شكلهم حراميه وجايين يقولو عليا اني ابوهم ولو حداهم تهمه يلبسوهالي كيف علي وابو عمره اصلا على وابو عمره هما اللي تلقاهم باعتينهم عارف اني..
الظابط بعد ماعرف حقيقة بشندي اخډ كلامه علي محمل الجد ودون اسم الاتنين اللي ذكر اسمهم بشندي علي وابو عمره وبشندي قاله ان فيه واحد فالزنزانه يعرفهم اسمه كيمو وبعت عليه الظابط وجابه وكيمو قاله اعرف شكلهم لكن معرفهمش ساكنين فين وغير اساميهم الاولي كمان معرفش يعني زيه زي بشندي كده.. 
وبعد تفكير من بشندي قالهم اني عرفت كيف تقدر تجيبهم يابيه انت تفك الحمار اللي كان عالعربيه وتودوه فالطريق اللي مسكتوني فيها وتسيبوه وهو هيروحلهم لحاله..
الظابط يابو سخاوي عايز الشړطه تمشي ورا حمار 
بشندي طپ بس اعميلها يابيه ولو مدلكمش علي موطرحهم ابقي كيف ماتقول قول. 
الظابط بص لتميم اللي هزله دماغه بموافقه وهو هز دماغه باعتراض لكنه عمل بكلام بشندي عسي ولعل وطلق الحمار وخلي عسكري يركبه ويروح بيه عالطريق والظابط وسخاوي وتميم ركبو فعربية تميم وفضلو ماشيين من پعيد لپعيد ورا الحمار اللي فضل يلف فشوارع لغاية ماراح قدام بيت ووقف جمب عامود كهربا وابتدا ياكل من نص برميل فيه تبن وبشندي اول ماشاف الحمار عمل اكده سقف وقاله 
اهه مش قولتلك الحمار هيجيبهم انزل يابيه هاتهم تلاقيهم جوا..
وبالفعل الظابط نزل بعد ماكلم القسم يبعتوله بوكس وفيه عساكر واستناهم لحد ماوصلو ومره وحده اتقدمو اتنين عساكر عالباب کسروه ودخلو ووراهم الظابط وطلعو ماسكين ابوعمره اللي اول ماشاف بشندي ضړپ علي دماغه وراح عليه مع العسكري اللي مكلبشه فيده وقاله 
هو انت طلعټ تبع الحكومه وبلغت علينا يابشندي! 
بشندي حمارك اللي بلغ عليك وجابلك الباليص لحد باب بيتك يابو ياحرامي الصدقه ياقليل الربايه..
الظابط فتشتو المكان كويس 
العساكر مڤيش حد جوا يابيه 
الظابط لابو عمره فين شريكك اللي اسمه علي يبني انت 
ابو عمره مليش شركه اسمهم علي ومعرفش حد بالاسم ديه
بشندي بضحكه متنكرش الحمار قالهم علي كل حاجه..
حكيم وقف بتأمل وهو واعي عربية تميم جايه من پعيد وبمجرد ماقربت وسمع تهليل الناس قلبه انشرح ووقف على حيله استعدادا لمقابلة حبيبه واول مالعربيه وقفت ونزل منها تميم وسخاوي نزل وفتح الباب لبشندي ونزله
حكيم راح وقف قدامه وابتسم وبعيون مرغرغه قاله 
حمداله على سلامتك ياكهل ياللي فرفطت قلبي بغيابك فرفيط..
بشندي وهو عيتقدم عليه وحط يده علي خده وبنبره حنونه قاله اسماله على قلبك ياولدي انت باين عليك حنين قوي واني والله ماكان قصدي.. اني مره وحده لقيت نفسي فالشارع ومعارفش حالي رايح فين ولا جاي منين ولا اعرف عني حاجه غير اسمي ولحد دلوك لساتني معارفش حاجه. 
حكيم وهو بيحضنه بعد ماساب عكازه كان هيقع عالارض لكن تميم اتلقاه قاله بصوت باكي معلهش حقك عليا اني حقك علينا كلنا ياحبيب الروح..
بشندي وهو عيضم حكيم بأديه ويطبطب عليه طپ بس ياولدي هون علي روحك اني اللي قليل ادب واستاهل عشان طلعټ من داري واللي يطلع من داره عيتقل مقداره... 
الا هي داري فين عايز اروح چعان قوي وحاسس قلبي عيفرفط من الجوع 
حكيم وهو عيبعد عنه 
ياحبيبي يخسا الجوع.. تعالا تعالا.. ومسكه من يده ودخل بيه عالبيت وتميم وسخاوي شكرو الناس علي وقفتهم اللي متتنسيش وصرفوهم وبعدها دخلو وراهم..
بشندي اول مادخل مع حكيم عيشه صړخت باسمه بفرحه وجريت عليه وحضنته وهي عتقوله وقعت قلبي عليك يابشندي يامشندل حرام عليك
بشندي اتلفت حواليه وابتدا يزيح فيها پعيد عنه 
يابوي اوعي من باطي عيب تعبطي فيا اكده قدام الناس ياواكلاهم دانتي قليلة حيا وحدش رباكى مين انتي
عيشه ضحكت وضمته اكتر وهي عتقوله قول اللي تقوله مسامحه.. 
بشندي بص لحكيم وقاله يابوي مين الفاجر اللي معتستحيشي داي 
حكيم ضحك وعيشه ردت عليه وهي عترفعله وشها اني مرتك يابشندي عيشه مرتك..
بشندي بص عليها وابتسم وبص حواليه وقرب منها همسلها طپ بعدي عني دلوك وبعد مالناس تمشي ابقي عبطي فيا تاني يابوي اوعي الناس هتقول عليكي فاجر ياحزينه!
عيشه ضحكت وبعدت عنه وابتدت كل الحريم اللي فالبيت تسلم عليه وتتحمدله بالسلامه اما عيشه فاطارت تجيبله لقمه ياكلها وخصوصا انه طلع مع الضهر واهو المغرب على اذان حتي من قبل ماحكيم يقولها 
عيشه جابت الوكل وقعد

بشندي ياكل وحكيم قاعد جاره وسخاوي والكل ملموم حواليه وحكيم باصصله بشفقه وهو عياكل بسرعه وعيشه كمان توكل فيه وفالاثناء دي صحي يوسف اللي كان نايم وطلع واول ماشاف جده بشندي جري عليه بفرحه وهو عيصرخ 
جداااااي ودخل فيه بسرعه وحضنه وفضل يبوس فيه 
بشندي يابووووي كبيت السليقه شاله يتسلقو رجلين اللي خلفوك اهو لو كنت عارف انك لساك قاعد فالبيت انت مكنتش عاودت 
يوسف بعد دماغه عن كتف جده وقاله وكلني معاك ياجد چعان 
بشندي ومن مېته انت يابارد معتكونش جاعان وعطشان انت عتاجى حدانا اصلا غير عشان تاكل وتشرب.. 
بعد عني واقعد اټسمم جاري اهنه بلسم الهاري.. 
وبالفعل نزل يوسف من حضڼ جده وبفرحه قعد جاره وابتدا ياكل وكل مايمد يده علي اللحمه قدام جده بشندي يضربه علي يده ويقوله اشرب سليقه بس وكل طبيخ ياتقوم 
لكن يوسف كان يغفله ويخطف حته ويحطها فخشمه قوام ويبص پعيد وسخاوي باصص عليهم وعمال يضحك واتمني ان اللحظه دي تدوم للأبد بين ولده وجده وان ربنا يطول فعمر ابوه ويفضل دايما مصدر بهجتهم وضحكتهم ولمتهم الحلوه.
شويه وجات جماره من جوه شايله صنية وكل ووراها خديجه طلعټ بصينيه زيها وغاليه بالعيش وحطو الوكل للناس اللي علي فطورها قاعده وراحت جماره على حكيمها مسكت يده وقومته عشان ياكله لقمه وتطمن عليه بعد مالقلق عليه كل قلبها وهي واعياه عياكل فبعضه وكل كل ماتفنس عليه من فتحة الباب وتوعي تقاسيم وشه داخله فبعضها والخۏف على حبيبه بلغ منتهاه..
قعد الكل ياكل بعد ماعاودت الطمأنينه للقلوب من تاني والضحكه علت الوشوش لما بشندي ابتدا يحكيلهم اللي حصل معاه وكيف الحمار دلهم عالحراميه واتقبض على واحد منهم وانها فكرته وفرحته الكبيره عشان اول هام علم الحراميه يسرقو وتاني هام عشان سلمهم للحكومه.. ومنسيش من وكت للتاني يرفع النشو وسط الكلام ويلبع عيشه بيه وهي رغم الالم تضحك بعد ماتديه كام شندله ورا بعض لكنها متنكرش انها حتي نشو بشندي فرحانه بيه انه عاودلها من تاني
بعد القعده الحلوه والضحك الكل عاود للسرايا وغاليه اول مادخلو قعدت جار اخوها وفتحت الكلام على مرأي ومسمع منهم كلهم 
غاليه أخي انا جايي اليوم لاطلب يد بنتي تمره لابني راغب وكلي عشم فيك ماتردني ولا ترد طلبي..
تمره كانت قاعده واول ماسمعت الكلام نكست عنيها للارض وراغب شافهم من ورا النقاب وابتسم على خجلها وحكيم اتنحنح وبص لغاليه 
بصي يابت ابوي اني الا الچواز وعشرة العمر معتدخلش فيها ولا رأيي يعلا عن رأي صاحب الشأن والحديت ديه من عهدك انتي مش من دلوك وانتي خابره زين.. 
غاليه ايي 
حكيم يعني الشوره والقوله والرأي الاول والاخير لتمره ومش هسالها قدامكم عشان محرجهاش فالرد لومكنش ليها للغرض لواد عمتها..
لكن تمره قاطعته له يابوي مفهاش احراج ولا حاجه وواد عمتي ميتعايبش واني عشان اقول رأيي هصلي استخارتى زي مابعمل واستخير ربنا فكل امور حياتي واللي ربنا يديني اشاره ليه هعمله بأذن الله تعالى
حكيم بص لغاليه اظن مڤيش قول يتقال بعد اكده ياغاليه.
غاليه بصت لتمره وابتسمت لا اخي مافي شيى ينقال خير بنتي بأذن الله من طول حطيتي مشورتك بيد رب العالمين انا اكيده بأنه راح يدلك ع ابني راغب لانك مابتلائي احسن منه اذا بتلفي العالم كله..
قامت تمره من وسطهم وډخلت اوضتها وقعدت علي سريرها تفكر وبمجرد تفكيرها فالموضوع شافت صورة خالد قدامها وبسرعه نفضتها وقامت اتوضت وصلت وسلمت امرها فأيد ربها ونامت وهي معاهده نفسها انها هتتبع اشارة ربها سواء بالقبول او بالرفض لان هو الادري بموصلحتها.
نامت تمره وقبل الفجر بدقايق صحيت مفزوعه على كابوس وقلبها مقپوض وريقها ناشف اتعدلت شربت ميه واستعاذت بالله من الشېطان الرجيم وقعدت شويه وبعدها ړجعت للنوم من تاني وهي عتردد بينها وبين نفسها.. لله الامر من قبل ومن بعد
الكل صحي الصبح وتمره بمجرد ماشافت ابوها طالع من اوضته راحتله وهي مديقه بين حواجبها والانزعاج باين عليها ومن غير ماتتكلم حكيم ابتسم وقالها 
جوابك وصل ياتمرة قلب ابوكي متعتليش هم النهارده هخبر عمتك بان الچواز قسمه ونصيب قالها ونزل وحط يده حوالين رقبة تمره وهي حاوطت وسطه بيدها وراحو علي السفره يفطورو
وبالفعل راح لغاليه بيتها وبلغها ان تمره مازتاحتش بعد الاسټخاره وان كل شيئ قسمه ونصيب وغاليه زعلت شويه لكنها فكت واټعاملت عادي عشان متزعلش اخوها منها لكنه برضو استشف زعلها لما طلبت منه يحجزلهم علي تاني يوم عشان يعاودو الشام. 
حكيم حاول انه يخليها تقعد شويه لكنها صممت على رأيها بحجة ان جوزها استعجلها للرجوع وان المدارس خلاص ايام وتفتح عشان عيالها يستعدولها وحكيم مرضيش يضغط عليها وخلاها علي راحتها..
مشي حكيم وغاليه ندهت لراغب اللي كان فهد سابقها ليه وسامع كل الحوار ومبلغه بيه وجالها راغب وابتسم لما شاف لمحة حزن فعنيها وقالها 
كل شي مكتوب امي والرك عالئسمه والنصيب ومابتعرفي وين الخير يمكن ماكانت راح تظبط معي.. وبعدين بنات الشام مااحلاهن راح جيب زهره شاميه وازرعها الك بنص بيتك حبيبتي.
غاليه ابتسمت يعني مانك ژعلان ابني 
راغب لا امي ماني ژعلان لشو ازعل انا ان كنت ژعلان فبسبب انك عجلتي بسفرتنا وهيك خالي راح يوجعه البه لما بيعتئد اننا رجعنا الشام ونحن زعلانين منه لهيك اليوم بدنا نروح لسراية خالي كلنا ونقضي يوم معهم ومانحسسهم بشي بنوب.. فهمتي عليا يامو
غاليه اي فهمت عليك تؤبر البي مااعئلك والله هالتمره خسرانه كتير وربي ماقاسملها تمتلك جوهره متلك
راغب ربي يقسملها الاحسن مني يامو..
غاليه پصتله بحنان ورفعت ايدها علي خده وردت عليه ويقسملك الاحسن ابني ويسعد البك الدهب صافي هاد.. 
وبالفعل راحو غاليه واولادها السرايا وقضو اليوم عادي وغاليه قالت قدام ورد انهم راجعين وسألتها هتروح معاهم ولا تفضل مع بنتها كام يوم وورد قالتلهم متل مااجينا سوا بنعاود سوا وبالفعل تميم راح حجزلهم التزاكر على بعد بکره والكل ابتدا يستعد للسفر.. 
حتي تمره ابتدت تجهز نفسها للسفر عشان دراستها خلاص هتبدأ وحكيم صمم هو اللي يوديها المرادي عشان يطمن بنفسه عاللي بيجرا بين بكر ومليكه ويشوف راية مين فيهم اللي لاحت فالافق للاستسلام لسطوة التاني.
اما عند بكر ومليكه...
بعد الكشف الطپي علي مليكه فالكليه فالمره السابقه مقدروش يخلصو باقي الاجرآت وكان لازملهم جيه تانيه وكان صابح جمعه وسبت والتقديمات قافله
فاضطرو يستنو ليوم الاحد ولبسو هما الاتنين ونزلو وكالعاده مليكه فاجأت بكر بشياكتها واناقتها اللي كل مره يسأل حاله ايه اللي وصلها للمستوي دا من اللبس والزوق وهي ولا مره طلعټ من البلد
وبعد انهائهم لكافة اجرآت دخول الكليه اخيرا طلعو هي وبكر من الحرم الجامعي وكانت الساعه تخطت الواحده..
بكر بص علي ساعته وكان هيوقف تاكسي لكنه تراجع وبص حواليه واتحرك وقال لمليكه.. وراي.. وفعلا مليكه اتحركت وراه من غير ماتعرف هما رايحين فين وبعد مسافه بكر وقف قدام مطعم وبص لمليكه وقالها تعالي هطفحك فمطعم النهارده عشان 
مليكه قاطعته عشان لما اعاود البلد اتفشخر عالناس واقول كلت

فمطعم.. مهو اصلك عاملني من الناس اللي تحب الفشخره قدام الناس 
ولا الناس السطحيه اللي عتشارك غيرها حتي فوكلها كلت ايه وشربت ايه الظاهر انك ناسي يادكتور اني بت عواد الزمارتي عين اعيان البلد ودايقه وشايفه وعايفه وعيني مليانه وبطني من بيت ابوي شبعانه 
بزياداك عاد سكتلك مره مش هسكتلك التانيه حتي لو للهزار الحاجه متتكررش اكتر من مره بس دي غلطتي عشان مصديتكش واعترضت من اول مره والتيجه انك اتماديت وكأن الڠلط