صائد
عبد الباسط .. ايه فيلم الړعب اللي انتي بتحكية ده !! انتي خيالك واسع وبيتهيآلك حاجات غريبة!!
اميرة .. انا مش بيتهيآلي حاجات بالعكس دا اللي حصل بالفعل وعلي فكرة عم محمد اتكلم للمرة التانية !!.
عبد الباسط .. تاني ! انا كدا هشك
اميرة .. هتشك في ايه !
عبد الباسط .. هشك ان عقلك سليم يا دكتورة .. بلاش توصلي نفسك للدرجة دي
عبدالباسط .. تعالي يا اميرة
ثم يذهب بها ليفتح الغرفة المغلقة امامها فتجدها فارغة تماما
عبد الباسط. فين بقي الست اللي بتقولي عليها دي وفين السرير اللي بتقوله عليه !! الاوضة فاضية قدامك
عبد الباسط .. لآخر مرة بحذرك يا اميرة بلاش تدخلي نفسك في امور متخصكيش لأن العاقبة هتكون مش كويسة عشانك وادي الاوضة قدامك فاضية .. اهدي بقي ارجوكي
اميرة .. افتحلي باقي الاوض اللي انت قافلها حالا
عبد الباسط .. وبعدين معاكي .. علي
فكرة انا حاسس ان اعصابك تعبانه شوية تعالي نسافر برة مصر كام يوم .. تعالي نروح ايطاليا
عبد الباسط .. وانا هعذرك عشان مقدر حالتك النفسية .. وكمان عشان مش في ايدي حاجة غير اني اعذرك عشان
بحبك ثم يقبل احدي يديها
اميرة .. علي فكرة .. انا حامل في شهرين
عبد الباسط .. ايه !!
اميرة .. بقلك انا حامل .. اټخضيت ليه كدا!!
اميرة .. مين ده اللي انزله !!
عبد الباسط .. اللي في بطنك يا اميرة
اميرة .. ليه !! انت مش عاوزني احمل منك .. انت مش عاوز اطفال مني !! انت لسة قايل انك بتحبني !!
عبد الباسط .. ما انا عشان بحبك لازم تنزلي الولد .. اسمعي الكلام
اميرة .. ليه انزلة !!.
عبد الباسط .. من غير ليه
اميرة .. مش بقلك غامض
بكر .. طب والعمل يا باشا!! انا بكدا ممكن اتقفش واروح في داهية
عبد الباسط .. تاخد الفلوس دي وتختفي في اي مصېبة لحد ما اشوف هتصرف ازاي .. مش عايز الدبان الازرق يعرفلك طريق ومتتصلش بيا انا اللي هتصل بيك .. فاهم !!
عبد الباسط .. امشي غور
واثناء خروجه من الباب تقابله اميرة فيقف امامها وينظران لبعضهما البعض ثم تتعجب قائلة
اميرة .. انت !!
عبد الباسط مرتبك .. روح انت خلاص يا بكر وانا هبقي اتصل بيك
بكر مرتبك ايضا .. ماشي يا دكتور .. سلاموا عليكم
اميرة بتعجب شديد .. مين دا !
عبد الباسط .. دا بكر فني صيانه شغال مع شركة الصيانة اللي بتابع الاجهزة هنا في المستشفي .. بس ايه واد خطېر بجد احسن من اكبر مهندس صيانه في الشركة .. بمجرد انه يبص للجهاز يعرف علطول العطل اللي فيه سببة ايه
اميرة .. بس ده انا اول مرة اشوفه هنا !! وبعدين هو احنا عندنا اجهزة عطلانه هنا
في المستشفي !! ما اظنش
عبد الباسط .. لا مفيش بس هو جاي يعمل تشيك علي الاجهزة وياخد حسنته من ورا الشركة .. انتي عرفة الظروف صعبه .. ربنا يكون في عون الناس
اميرة .. بس دا يشبة الراجل اللي صدم مني بالعربية !!
عبد الباسط .. مني مين !!
اميرة .. مني السكرتيرة بتاعتك
عبد الباسط .. يا دكتورة .. يخلق من الشبة اربعين
اميرة .. بس هو لية مرتبك ومش علي بعضه .. زي مايكون عامل عملة
عبد الباسط .. خجلان مني مش اكتر .. وبعدين كفاية اسئلة ممكن !!
اميرة .. ماشي يا دكتور تحت امرك بعد ازنك
ثم تنظر له نظرة ذات معني وتنصرف
عبد الباسط .. اميرة
اميرة .. نعم
عبد الباسط .. هو انتي كنتي جاية عندي ليه !!
اميرة بسخرية واضحة .. عشان اشوف بكر واعرف اد ايه انت بتساعد الناس وبتقف جمبهم وبتداري عليهم .. في الخير طبعا .. بعد ازنك يا دكتور
وفي المساء تعود اميرة الي الفيلا ثم تنادي
اميره .. فايزة .. فايزة .. انتي يا زفته
فايزة .. ايوا يا ست هانم
اميرة .. ايه نايمة علي ودانك ولا ايه !!
فايزة .. تحت امرك يا ست هانم .. يعني جيتي بدري حضرتك
اميرة .. وانتي مال اهلك !! تقي فين
فايزة .. اتعشت ونامت من بدري
اميرة .. امشي روحي جهزيلي الحمام عشان اخد شاور
فايزة ترتبك ولا تتحرك
اميرة تتعجب .. مالك يا بت واقفة ليه !! مسمعتيش قلتلك ايه !!
فايزة .. سمعت يا ست هانم .. بس ...
اميرة .. بس ايه !!
فايزة .. هو حضرتك لازم تاخدي الشاور بتاعك دلوقتي !!
اميرة .. ليه .. هو فيه حد في الحمام !! هو الدكتور عبد الباسط رجع
فايزة .. لا لسة
اميرة .. امال ايه !! اوعي من سكتي
وتتوجه اميرة مسرعة ناحية
الحمام وبمجرد ان تقترب منه تجد امرأة تخرج من الحمام ترتدي برنس ابيض وتلف فوطه علي رأسها
اميرة تتعجب .. انتي مين !!
المرأة ترتبك ثم تجري مسرعة نحو غرفتها .. وهي احدي الغرف المغلقة واميرة تطاردها
اميرة .. استني عندك
فايزة تحاول تعطيلها .. استني يا ست هانم لما اقلك
اميرة .. غوري من وشي
ولكن المرأة تكون اسرع من اميرة وتصل الي غرفتها في وقت قياسي وتدخل الغرفة بسرعة وتغلق الباب وخلفها اميرة التي تحاول فتح الباب فتجده مغلق من الداخل
اميرة تطرق الباب بشدة .. افتحي الباب بقلك .. افتحي الباب
ثم تقول ل فايزة .. مين دي !! انطقي
فايزة .. مين يا ست هانم !! مفيش حد
اميرة .. نعم يا روح امك انتوا عايزين فعلا تجنوني بقي !! مين دي يا بت اللي دخلت الاوضة وقفلت علي نفسها!!
ثم تجذبها بقوة من شعرها وفايزة تتألم
فايزة .. اه .. سيبي شعري يا ست هانم .. صدقيني مفيش حد دخل جوة . انتي بتهيآلك والله
اميرة .. بيتهيآلي يا بنت الكلب!! .. خلاص هتطلعوني مجنونه رسمي !! .. انطقي
يا بت احسنلك .. ايه اللي بيحصل في الفيلا دي بالظبط !! ومين دي !
فايزة .. انا مليش دعوة ومعرفش حاجة .. سيبي شعري يا ست هانم
ثم يأتي عم محمد غاضب ويقول
محمد .. سيبي البت يا ست انتي
اميرة .. يعني انت بتتكلم اهوه !! امال عامل نفسك اخرص ليه ولا انا كمان بيتهيآلي انك واقف قدامي اهوه وبتتكلم كمان !!
محمد .. ايوا انا بتكلم .. ارتاحي بقي .. وعرفة لو مسكتيش وبطلتي تحشري مناخيرك في اللي ميخصكيش هيحصلك ايه !
اميرة بسخرية .. هيحصلي ايه اكتر من اللي انا شايفاه عندكم هنا !
محمد .. انتي لسة مشفتيش حاجة .. بصي شوفي
اميرة تسقط في الارض مغشيا عليها من هول المنظر ..
ماذا رأت ... !!
السابعة
اميرة تنظر الي حيث يشير محمد ونراه يشير الي احد الغرف المغلقة انها الغرفة الرابعة حيث نري الباب يفتح ببطئ فتظهر لنا سيدة وجهها مرعب منزوعة العينين شفتاها ممزقتان وتظهر اسنانها بالكامل نراها ونسمعها تصرخ وتقول .. اه وتسير ببطئ وكأنها لا تستطيع المشي نحو اميرة واميرة تتعجب والخۏف يتسلل الي قلبها
اميرة .. مين دي كمان !!
ثم تسقط علي الارض
مغشيا عليها ..ثم بعد ذلك نري اميرة علي السرير وحولها ابوها وامها
الام .. اميرة فوقي يا بنتي مالك فيه ايه !!
اميرة . انا فين !!
الاب .. انا عايز افهم انتي حكايتك بالظبط !!
الام .. بالراحة عليها يا عبدو شوية .. البنت مڤزوعة
اميرة .. ماما ابوس ايدك انا عايزة امشي من هنا .. انا مش عايزة هقعد هنا تاني.. انا خلاص عقلي هيطير من دماغي
الاب .. انتي مالك فيكي ايه بالظبط !! تحبي نعرضك علي دكتور نفسي !!
اميرة .. صدقني يا بابا انا لو استنيت في البيت ده اكتر من هدخل من كدا هتجنن وهقضي باقي عمري في مستشفي المجانين
الام .. بعد الشړ عليكي يا بنتي .. ليه بتقولي كدا بس !!
اميرة .. من الحاجات المريبة اللي بشوفها وبتحصل حواليا .. والكل مصر يقنعني انها محصلتش مع اني متأكدة انها حصلت فعلا
الوالد .. حاجات ايه !! شوية التخاريف اللي انتي بتحكيها !! ولا الوساوس اللي معششة جواكي بدون مبرر
اميرة .. لا يا بابا انا كل شكوكي ليها مبرر .. عبد الباسط مخبي عني حاجات كتير ومش عايزني اعرفها واي حد يحاول يساعدني ويعرفني الحقيقة بېموت فجأة .. زي مني السكرتيرة لما حبت تعرفني الحقيقة واحد اتصل بيها واحنا قاعدين خلاها ارتبكت وخاڤت وسابتني وخرجت جري وبعدها بثواني ضړبتها عربية قدام الكوفي شوب واللي ضربها يقلها خلي لسانك ينفعك وتاني يوم الاقي واحد شبهه عندنا في المستشفي ولما اسألة يقلي دا فني صيانه مع انه مغير الاجهزة كلها اللي في المستشفي الشهر اللي فات !!
الاب .. قصدك تقولي ان جوزك ليه علاقة بالحاډثة !!
اميرة .. ايوا احساسي بيقلي كدا
الاب .. لا دا انتي كدا اټجننتي فعلا وعايزة علاج .. عايزة تودي جوزك في داهية عشان شوية تخاريف معششة جوة دماغك !!
اميرة .. طب فسرولي انتم اللي بيحصل دا معناه ايه !! انا من اول يوم شفته فيه وانا مستغرباه في كل حاجة .. حكاية انوا مبيتحوزش غير ارامل !! !! الاوض المقفولة باستمرار وجواها اسرار مش عايزني اعرفها !! تلميحاته المستمرة ليا اني لو حاولت ادور علي الحقيقة هيحصلي زي ما حصل للي قبل مني .. وايه اللي حصلهم انا معرفش !! تصدقي يا ماما انه عايزني انزل البيبي !!
اميرة .. سألته وكالعادة مفيش اجابة والمطلوب مني اني احل اللغز بنفسي وادور علي الاجابة .. وياريتني في الاخر بوصل لنتيجة !!
الاب . اولا .. قلتلك مش من حقك تدوري في اللي فات
